Sipërmarrësit e strukturave akomoduese do të duhet të deklarojnë kapacitetin dhe nivelin e shfrytëzimit, teksa qeveria ka miratuar rregullat që duhet të ndiqen. Deklarimi bëhet për qëllime tatimore, ndërsa te strukturat akomoduese që do e kënë këtë detyrim bëjnë pjesë kategoritë: Bujtina, bllok apartamentesh, motel, fjetje dhe mëngjes, hotel, hotel i shpërndarë, resort dhe strukturë akomoduese e trashëgimisë kulturore.
Sipas vendimit, periudha e shfrytëzimit ndahet në dy periudha sezonale, përkatësisht, nga data 1 maj deri në datën 30 shtator dhe nga data 1 tetor deri në datën 30 prill të çdo viti. Në përllogaritjet, për efekt të kapacitetit të shfrytëzimit, ditët që merren në konsideratë janë ditët kalendarike gjatë kësaj periudhe.