Qeveria ka hedhur për konsultim publik projektligjin “Për disa shtesa dhe ndryshime në ligjin nr. 35/2016 ‘Për të drejtat e autorit dhe të drejtat e tjera të lidhura me to’, të ndryshuar”. Drafti synon të shtojë, ndryshojë dhe përshtasë dispozitat e ligjit shqiptar për të drejtat e autorit me qëllim përafrimin me direktivat e Bashkimit Evropian (në vijim BE) në lidhje me zbatimin e të drejtave të autorit në internet.