Ndryshimet dhe shtesat e propozuara nëpërmjet këtj projektligj në ligjin në fuqi
nr.79/2021, “Për të huajt””, synojnë përmirësime në fushën e të drejtave të
migrantëve dhe anëtarëve të tyre të familjes, refugjatëve dhe azilkërkuesve, si dhe
të mbrojtjes sociale (akses në programe dhe shërbime integrimi), ofrimit më të
mirë të informacionit, procedurave të lehtësuara dhe forcimit institucional të
ofrimit të shërbimeve për migrantët.
Projektligji vjen si një element i rëndësishëm në kontekstin kombëtar për të
ndikuar më tej në hapjen e rrugëve të migracionit të rregullt për punësim, si dhe
në drejtim të menaxhimit të hyrjeve të të huajve në kontekstin e turizmit në rritje.
Nëpërmjet përmirësimit të dispozitave ligjore, projektligji synon, gjithashtu, të
përmirësojë digjitalizimin e mëtejshëm të proceseve të migracionit, si një nevojë
thelbësore e angazhimeve rajonale dhe ndërkombëtare.